پروفیسر ‘انیٹلی انٹن’ کا تعارف

خیبر صہیون تحقیقاتی ویب گاہ:

سان فرانسسکو اسٹیٹ یونیورسٹی میں؛
۔ شعبہ فلسفہ کے استاد
۔ فلاسفی ڈیپارٹمنٹ کے سابق سربراہ
۔ ریڈیکل فلاسفی ایسوسی ایشن کے کوآرڈینیٹر
پروفیسر “انیٹلی انٹن” سان فرانسسکو اسٹیٹ یونیورسٹی میں شعبہ فلسفہ کے استاد اور فلاسفی ڈیپارٹمنٹ کے سابق سربراہ ہیں۔ انہوں نے فلسفہ سیاست، فلسفہ علوم سماجیات اور فلسفہ ہیگل و مارکس پر کافی تحقیقات انجام دی ہیں۔ اس وقت وہ سان فرانسسکو یونیورسٹی کے فلاسفی ڈپارٹمنٹ کے سیکریٹری بھی ہیں۔
پروفیسر انٹن “ریڈیکل فلاسفی ایسوسی ایشن” (Radical Philosophy Association) کے کوآرڈینیٹر بھی ہیں۔ یہ ایسوسی ایشن جو سرمایہ دارانہ نظام کے مخالف مارکسیسٹ پروفیسروں پر مشتمل ہے اس بات کی قائل ہے کہ بنیادی تبدیلی کے لیے ایک سماجی انقلاب کی ضرورت ہے علاوہ از ایں یہ ایسوسی ایشن استعماری اور غیر انسانی فکری ڈھانچوں منجملہ، سرمایہ داری، نسل پرستی، جنسی تحریک، ہوموفوبیا، نسلی امتیاز، ماحولیات کی تباہ کاری اور دیگر تسلط پسندانہ رویوں کی سخت مخالفت کرتی ہے۔
ریڈیکل فلاسفی ایسوسی ایشن ‘کیوبا’ کی کمیونیسٹ حکومت کی حمایت جبکہ ریاست ہائے متحدہ کی جانب سے اسرائیل کو حاصل اقتصادی اور عسکری امداد کی مخالفت کرتی ہے اس لیے کہ ان امدادوں سے “مسلمان اقوام کی دشمنی” کی حمایت کا نتیجہ ظاہر ہوتا ہے۔
اس ایسوسی ایشن نے افغانستان اور عراق میں “دھشتگردی کے خلاف نام نہاد امریکی جنگ” کے مقابلے میں بھی ایک مضبوط موقف اختیار کیا ہے۔ ریڈیکل فلاسفی ایسوسی ایشن کا ماننا ہے کہ دھشتگردی کا خطرہ در حقیقت تیسری دنیا میں پائے جانے والی ظالم و فاسد حکومتوں کو حاصل امریکہ کی احمقانہ حمایتوں سے جنم لیتا ہے۔
انٹن نے ۲۷ ستمبر ۲۰۰۴ کو اپنے ساتھیوں کے درمیان ایک ایمیل منتشر کیا اور اس میں لکھا: ساتھیو! میں سوچتا ہوں کہ آپ میں سے بعض نے “ای۔ ایل۔ ڈاکٹرو”( E.L. Doctorow) کے ان احساساتی اور مفید الفاظ کو دیکھا ہو گا لہذا ممکن ہے آپ انہیں وسیع طور پر پھیلانا چاہیں۔ ڈاکٹرو کا کہنا تھا کہ ‘صدر بوش ہمارے ۲۱ سالہ نوجوانوں کی موت سے کوئی درد محسوس نہیں کرتے ۔۔۔ چونکہ وہ نہیں جانتے کہ موت کیا ہے؟۔۔۔ لہذا وہ کیسے سوگ منا سکتے ہیں؟ سوگ منانے کے لیے احساس درد کا اظہار ضروری ہے جبکہ وہ اس درد کے احساس سے بالکل بے بہرہ ہیں۔۔۔ انہیں مقتولین کے گھرانوں کی نسبت کوئی ہمدردی نہیں ہے۔۔۔ وہ عزاداری اور سوگواری نہیں کر سکتے۔ لیکن یہ ایک طرح کی بداخلاقی ہے جو باعث بنتی ہے کہ ہم اپنے حال پر خود سوگ منائیں’۔
تحقیق: لیزا ماٹسن