صہیونیت مخالف پروفیسر “نورمین فینکلشٹائن” ( Norman Finkelstein) کا تعارف

ترجمہ سید نجیب الحسن زیدی

خیبر صہیون تحقیقاتی ویب گاہ: پروفیسر نورمین فینکلشٹائن (Norman Finkelstein) ایک یہودی مورخ اور محقق ہیں کہ جو ۱۹۵۳ میں امریکہ میں پیدا ہوئے، انہوں نے نیوجرسی (New Jersey, USA) کی Princeton University سے پی ایچ ڈی کی ڈگری حاصل کی۔ نورمین کی تالیفات اور تصنیفات کا اصلی محور فلسطین اور اسرائیل کے درمیان پائے جانے والے اختلافات ہیں۔
پروفیسر نورمین فینکلشٹائن نے دسیوں کتابیں تالیف و تصنیف کی ہیں کہ جن میں سے پچاس کتابیں دوسری زبانوں میں بھی ترجمہ ہوئی ہیں۔(۱) ان کی بعض تصنیفات کے نام درج ذیل ہیں:
•    From the Jewish Question to the Jewish State: An Essay on the Theory of Zionism (thesis), Princeton University, 1987
•    The Holocaust Industry: Reflections on the Exploitation of Jewish Suffering, Verso, 2000
•    Image and Reality of the Israel-Palestine Conflict (Verso, 1995; expanded paperback edition, 2003)
•    Knowing Too Much: Why the American Jewish romance with Israel is coming to an end (OR Books: 2012)
•    Method and Madness: The Hidden Story of Israel’s Assaults on Gaza, OR Books, New York, 2014
•    Gaza: An Inquest Into Its Martyrdom, University of California Press, Oakland, California, 2018
فینکلشٹائن قدس کی غاصب اور جعلی ریاست اسرائیل اور صہیونیت کے سخت ترین مخالف ہیں وہ صہیونی ریاست کی انتہا پسندی اور اس کے قتل و غارت کے بارے میں کہتے ہیں: ایسے حال میں کہ ایک طرف مغرب سمیت پوری دنیا امن و امان قائم کرنے کی قائل ہے اسرائیل جنگ کا طبل بجا رہا ہے۔ (۲)
سنہ ۲۰۰۸ میں تل ابیب کے بن گورڈین (۳) ایئر پورٹ پر پہنچنے سے پہلے پروفیسر فینکلشٹائن کی پوچھ گچھ کی گئی اور اس کے بعد عدلیہ کے حکم سے دس سال کے لیے انہیں مقبوضہ فلسطین میں داخلے سے ممنوع کر دیا۔ انہوں نے ہاآرتض (۴) کے ساتھ ایک انٹرویو میں کہا: “میں نے کچھ بھی پوشیدہ نہیں رکھا اور ہر سوال کا جواب واضح لفظوں میں دے دیا ہے اور میرا کسی بھی دھشتگرد تنظیم سے کوئی رابطہ نہیں”۔ (۵) ایسا لگتا ہے کہ ان کی گرفتاری اور مقبوضہ فلسطین میں ان کے ممنوع الورود ہونے کی وجہ نورمین کی لبنانی گھرانوں کے ساتھ ملاقات اور سنہ ۲۰۰۶ میں اسرائیل لبنان کی جنگ کے دوران جنوبی لبنان ان کی حاضری ہے۔
فینکلشٹائن خود کو حماس اور حزب اللہ کا حامی سمجھتے ہیں اور ان دو مزاحمتی گروہوں کے ساتھ اپنی وابستگی کی وجہ، ان کا اپنی سرزمینوں کے تحفظ کے لیے دفاعی اقدامات انجام دینا قرار دیتے ہیں۔ (۶) وہ حزب اللہ کے بارے میں اپنے موقف کا اظہار کرتے ہوئے کہتے ہیں: مجھے اس بات سے کوئی خوف نہیں ہے کہ میں حزب اللہ کے ساتھ اپنی وابستگی کا اعلان کروں۔ یہ ایک بنیادی حق ہے جس کی بنا پر لوگ اپنے ملک کا دفاع کر سکتے ہیں اور جو ظلم و جور کے ذریعے ان کے ملکوں کو نابود کرنا چاہے اس کا مقابلہ کر سکتے ہیں۔ (۷)
اس مولف کے علمی کارناموں میں “ہولوکاسٹ انڈسٹری” (The Holocaust Industry) معروف ترین اور اہم ترین علمی کارنامہ ہے۔ فینکلشٹائن اس کتاب میں ہولوکاسٹ کے موضوع پر اپنی تحقیق کے مقصد کو بیان کرتے ہیں اور یہودی نسل کشی کو ایک انڈسٹری کے نام سے تعبیر کرتے ہیں۔ انکا ماننا ہے کہ ہولوکاسٹ صرف ایک منظلم آئیڈیالوجی تھی جو ایک آئیڈیالوجیک اسلحے میں تبدیل ہو گئی تاکہ اس کے ذریعے ایک فوجی طاقت کہ جس کی تاریخ انسانی حقوق کی پامالی سے بھری پڑی ہے خود کو ایک مظلوم حکومت کے عنوان سے پیش کر سکے۔ (۸)
مآخذ
۱. http://normanfinkelstein.com/biography/
۲٫ https://web.archive.org/web/20141202160042/http://www.todayszaman.com/interviews_norman-finkelstein-israel-is-committing-a-holocaust-in-gaza_164483.html
۳ . Ben Gurion Airport
۴ . Haaretz
۵ . https://web.archive.org/web/20111016203328/http://www.haaretz.com/jewish-world/news/israel-denies-entry-to-high-profile-critic-norman-finkelstein-1.246487
۶ . http://www.counterpunch.org/finkelstein01132009.html
۷ . http://www.memritv.org/clip_transcript/en/1676.htm
۸ . http://earanian.blogfa.com/post/335
………